Abòr

Velas blancas au cèu qu'esliçan com linçòus
Suu sorelh vergonhós qui hè aus estujòus
E lo brum candoliu, eisharpa sus l'arriu,
Que perleja au matin au caputh deu vaniu.

Esventrada la higa qu'apèra los ausèths
E deu bòsc miejancèr on s'auburan los cèths
Qu'entenen a cracar las castanhas de l'an
A l'arram darrigadas peu vent holejant.

L'arrasim estinglant que vòu estar podat,
E au darrèr deu pléish omprejat peus tauzins,
Lo cabelh saurejant qu'espèra escarbalhat.

Auringletas de mai, dauninas deu teulat,
Aplegant-vse suus hius, cridatz los vòstes chins !
Abòr lo hossatèr que horva peu vesiat.

Automne

Voiles blancs dans le ciel glissent comme linceuls
Sur le soleil penaud qui joue à cache-cache
Et la brume immaculée, écharpant le ruisseau,
Perloie au point du jour à la pointe du trèfle.

La figue éventrée appelle les oiseaux
Et du bois mitoyen où s'ébauchent les cèpes
On entend craquer les châtaignes nouvelles
Arrachées aux branches par le vent diablotin.

Le raisin étincelant attend d'être taillé,
Et derrière la haie à l'ombre des tauzins,
L'épi blondissant attend débraillé.

Hirondelles de mai, hôtes de notre toit,
Rassemblées sur les fils, appelez vos petits !
Automne le fossoyeur hurle dans le hameau.