En tornant-me'n tà casa ièr vrèspe, quan vedoi Rosseta, la nosta canha valentòta, que las tirava totas entà tiéner sus las patas, que comprenoi de qu'arribava au cap deu camin. En repremint uns saumucs, que la bailinèi hòrt amistosament, que'u premoi las aurelhòtas enter las mans e que la potiquèi lo front freneticament. Puish que dèi lo torn de l'ostau entà barrar los contravents sus aqueth dia hastiau. Adara la prauba bèstia que'm seguiva en s'arrossegant e Pi'Tigro que l'esventava obsequiosament, shens jamei gausar enterpausà's, hens aqueth vam de fraternitat e aqueth pressentit de la mort qui an a còps los animaus shens jamei poder explicar-se'us. Un darrèr còp que m'arrevirèi, que l'anèi de cap, que la bailinèi en l'espiant au pregon deus uelhs, que la premoi las aurelhòtas enter las mans e que la potiquèi lo front, freneticament. Adiu Rosseta ! Canhòta valentòta ...

En rentrant à la maison hier après-midi, quand je vis que Roussette, notre petite chienne vaillante, avait toutes les peines du monde à se dresser sur ses pattes, je compris qu'elle arrivait au bout du chemin. En réprimant quelques sanglots, je la caressai très tendrement, je serrai ses petites oreilles entre mes mains et je baisai son front frénétiquement. Puis je fis le tour de la maison pour fermer les volets sur ce jour dégueulasse. À présent la pauvre bête me suivait en se trainant et Pi'Tigrou la flairait obséquieusement, sans jamais oser s'interposer, dans cet élan de fraternité et ce pressentiment de la mort imminente qu'ont parfois les animaux sans jamais pouvoir se les expliquer. Une dernière fois je me retournai, j'allai vers elle, je la caressai en la regardant au fond des yeux, je serrai ses petites oreilles entre mes mains et je baisai son front, frénétiquement. Au revoir Roussette ! Petite chienne valeureuse...