Aqueth ser quan arribèi au Garatge, que trobèi un companh men, Sachà, a's béver la pinta de Guinness en tot prosejà's dab ua gojata qui'm pareishó d'aviada mei joena que nosauts, e de quant. Un còp pausada la vèsta au vestiari que hasoi los adishatz aus coneishuts e que prenoi plaça au taulèr on me gahèi a la descarar entant qui'ns parlava. Prendiva, saura e anerada de pèu, qu'èra beròja per estar drin aurelhaquilhada. Que s'aperava Julia, qu'èra annada de 28, qu'èra emplegada dens las admenistracions e que sostienèva Bayrou. Que pretenè los amics dab qui èra vienuda, mei joens qu'era, que l'avèn deishada en plan au sortit deu repéish e de tot biais qu'avè idea de demorar entà encontrar monde. Que's coneishè sustot qu'avè drin cargat a Madiran mes qu'èra agradiva e Sachà qu'aparava lo devís.

Ne sèi pas quin lo prosei n'arribè a la question deu femenisme. Ad aqueth moment Julia qui n'avè dab las Femen, en hant lo gesto dab la paraula, camison desgautalat, qu'espartí los braç e que cridè : "Jo tanben, que poderí amuishar las popas en public mes ne soi pas segura que sia hera eficient com protèsta." Arrids pècs e marmús que s'entenón per l'estanquet.

Adara Julia qu'avè idea de fumar, mes ne volèva pas sortir soleta. Que'ns demandè de'u har tòla. Sachà que n'estó lèu senh. Per çò de men que demorèi au taulèr permor de l'ua part lo fum de las cigaretas ne'm mancava pas e de l'auta n'aví pas idea de floishar tròp lèu, sustot qui començavi d'auburar ençò de la jaubèla un bran de mitomania.

La cigareta acabada los mens companhs que tornèn au taulèr e lo prosei que s'i tornè. Totun, a miejanueit passada, Sachà que prenó conjat e que'm trobèi sol dab Julia tà plegar la serada. A dus pas, un par de vielhs deu pèu sau e péber que siropejava en hant aurelhas.

- Ès casat ? As chins ? ce'm demandè la gojata ? Jo que soi annoviada, ce horní shens demorar la mea responsa.

De hèit que l'escotavi desglarar la soa vita permor n'aví pas idea de desbotoà'm.

... Lo men nòvi que s'apèra Alexis, que volem maridà-ns mes qu'èm tròp independents enqüèra tà víver amassa. Un dia bissé, que'ns i escaderam. E puish, non sèi pas perqué, las nostas familhas e los nostes amics qu'espian d'arréruelh la nosta coneishença. Qu'ei atau Alexis, drin aurèste, e qu'ei çò qui m'agrada.

Julia que sortí tà la dusau cigareta. Contra las soas pregarias ne la seguii pas. Per estar plasenta que la vedí mei anar mei com ua encausa de cuentas.

- Qué pensas deu maridatge ? Qu'ei de compte har lo maridatge ce'm hasó en tornant. Dab Alexis que volem maridà'ns.

E au cap d'ua pausa que s'i tornè :

- L'estanquet qu'ei de cap a barrar, que cau que parti, se vòs viéner béver un còp a casa, que serà sonque tà devisar, pas tà jogar ?

Que i èran tròp d'incoeréncias e de contradiccions enter los dísers e las faiçons. Que m'avisavi d'ua engana. Que'm desenvitèi.

Just quan la gojata e virava lo telon, l'un deus vielhs que's levè e que la vienó de cap.

- A tu que sèi çò qui't cau, ce la hasó...

- Ah e qué çò qui'm cau, ce'u tornè Julia qui n'avè pas paur a la prova.

- Que't cau un òmi qui sapia parlar a las hemnas, ce la digó lo vielh.

- Ah e que sabes tu ?

- Pòts créder que quiò...

- Que vam véder aquò. Que'm saberàs behida díser quant mesuri deu davantcasa puishque coneishes plan las hemnas...

- Quiò mes tad aquò har que cau que'us tòqui, ce digó lo vielh.

Ad aqueth moment que manquèi m'estranglar en horrupant la cervesa mentras qui l'Elena e la Clòè, duas emplegadas deu pub, qui s'espiavan lo manetge en tot bevent e devisant au taulèr, que'n estón estarramosidas. Julia qu'espartí los braç e lo vielh que's gahè a'u paupar lo braguèr longament en public.

- 85b, ce digó de la fin.

- Que t'i ès escadut, ce responó era.

Autanlèu l'Alexis e lo maridatge que passèn per pèrtas e guadanhs. S'existiva lo gojat d'aulhors ? Quan lo Garatge e barrava que podèn véder Julia e lo vielh a dà's lo pòt pregon hens l'estanquet e per carrèra. Non sèi pas quin acabèn la nuèit. Que tornèi tà casa en me'n arrident au pregon de las hèitas deu ser, plan content au hons de m'aver ahirat la cuenta a quauqu'un mei. Çò qui's cau véder uei, mics, e çò qui's cau empassar...

Un homme qui sache parler aux femmes...

Ce soir-là quand j'arrivais au Garage, je trouvai un de mes acolytes, Sacha, buvant sa pinte de Guinness tout en devisant avec une fille qui me parut d'emblée bien plus jeune que nous. Après avoir posé ma veste au vestiaire je saluai mes connaissances et je pris place au comptoir où je me mis à la dévisager tandis qu'elle nous parlait. Elancée, cheveux blonds et frisés, elle était jolie avec ses oreilles un peu décollées. Elle s'appelait Julie, elle avait 28 ans, elle travaillait dans les bureaux et elle supportait Bayrou. Elle prétendait que les amis avec qui elle était venue, plus jeunes qu'elle, l'avaient laissée en plan après le repas et de toutes façons elle avait envie de rester pour rencontrer du monde. On voyait surtout qu'elle avait un peu bu mais elle était agréable et Sacha entretenait la conversation.

Je ne sais pas comment la question du féminisme arriva sur la table. À ce moment-là Julie qui avait une dent contre les Femen, joignant le geste à la parole, chemisier légèrement déboutonné, écarta les bras et s'exclama : "Moi aussi, je pourrais montrer mes nichons en public mais je ne suis pas sûre que ce soit un moyen de protestation très efficace." On entendit des fous-rires et des chuchotements dans le bar.

À présent Julie avait besoin de fumer, mais elle ne voulait pas sortir seule. Elle nous demanda de lui tenir compagnie. Sacha y consentit vite. Pour ma part je restai au comptoir parce que d'une part la fumée des cigarrettes ne me manquait pas et d'autre part je n'avais pas envie de céder trop facilement, surtout que je commençais à suspecter un brin de mythomanie chez la jeune fille.

La cigarrette consumée mes compagnons revinrent au comptoir et la conversation reprit. Toutefois, après minuit, Sacha prit congé et je me retrouvai seul avec Julie pour terminer la soirée. À deux pas, une paire de vieux, cheveux poivre et sel, sirotait en ouvrant grand les écoutilles.

- Tu es marié ? Tu as des enfants ? me demanda la fille ? Moi je suis fiancée, ajouta-t-elle sans attendre ma réponse.

De fait je l'écoutais raconter sa vie car je n'avais aucune envie de me livrer.

... Mon petit ami s'appelle Alexis, nous voulons nous marier mais nous sommes encore trop indépendants pour nous mettre en ménage. Un jour c'est sûr, nous y parviendrons. Et puis, je ne sais pas pourquoi, nos familles et nos amis voient notre relation d'un très mauvais oeil. Il est comme çà Alexis, un peu sauvage, et c'est ce qui me plaît.

Julie sortit pour la deuxième cigarrette. Malgré ses prières je ne la suivis pas. Bien qu'elle soit sympathique elle me faisait de plus en plus l'effet d'une source d'embrouilles.

- Que penses-tu du mariage ? C'est important le mariage, me fit-elle en revenant. Avec Alexis nous voulons nous marier.

Et l'espace d'un instant elle reprit :

- Le bar va fermer, il faut que je parte, tu viens boire un verre chez moi, juste pour discuter, pas pour coucher ?

Il y avait trop d'incohérences et de contradictions entre ses dires et son attitude. Je flairai une entourloupe. Je déclinai l'invitation.

Juste comme la jeune fille tournait les talons, l'un des vieux se leva et vint vers elle.

- À toi je sais ce qu'il te faut, lui fit-il...

- Ah et qu'est-ce qu'il me faut, lui répondit Julie qui n'avait pas froid aux yeux.

- Il te faut un homme qui sache parler aux femmes, lui dit le vieux.

- Ah et tu sais toi ?

- Pour sûr que oui...

- On va voir çà. Tu sauras sans doute me dire quel est mon tour de poitrine puisque tu connais bien les femmes...

- Oui mais pour ce faire il faut que je les touche, dit le vieux.

À cet instant je manquai m'étouffer avec ma gorgée de bière tandis qu'Hélène et Chloé, deux employées du pub, qui observaient le manège tout en buvant et bavardant au comptoir, en furent estomaquées. Julie écarta les bras et le vieux se mit à lui palper les seins longuement en public.

- 85b, dit-il quand il eut fini.

- Tu as tout juste, répondit-elle.

Sur le champ Alexis et le mariage passèrent par pertes et profits. Le garçon existait-il d'ailleurs ? À la fermeture du Garage on pouvait voir Julie et le vieux se rouler des pelles dans le bar et dans la rue. je ne sais pas jusqu'où la nuit les entraina. Je rentrai chez moi en riant intérieurement des évènements du soir, bien content dans le fond d'avoir refilé la patate chaude à quelqu'un d'autre. Ce qu'il faut voir aujourd'hui, mes amis, et ce qu'il faut avaler...