Lo gatòt e l'agent recensaire

L'aute dia, quan davi un torn peu campèstre que vau trobar l'ua de las meas vesias, la Ticià. En m'apressant de la caseta que vau enténer a ua nhaulèra qui arribava de darrèr las topias deus agrumes au devath deu costèr.

La Ticià qu'èra au portalèr. Que m'explica aqueth gatòt gris qui adara se l'atormèra las garras en arronant e en nhaulant tot doç que l'ei arribada au temps de las hèstas. Qu'ei ua abitudassa a noste. Quan existeishen associacions tà vesiar los animalòts qui ne vòlen pas mei o qui ne pòden pas neurir, tròp de monde que s'estiman mei abandonar los gats a descús totun, d'ua veiturada a las estremèras deus camins, de nueit. Shens desbrombar tots los qui s'aiman mei arpastar lo Netflix pumèr d'avitar un gatòt a trucas d'un paquetòt de croquetas lo mes.

La Ticià qu'ei embestiada, despuish qu'ei arribat, que's neureish aqueth animalòt, mes ne'u hè pas entrar a casa e n'a pas tròp idea de'u se préner. Permor, on demora, contra ua rotòta, las autòs que l'an esglaishat tròp de companhs e la loa esperança de vita qu'ei abracada.

En aqueras qu'arriba ua veitura blanca, de foncion, e que'n baisha un gojatet dab un paperòt. Qu'ei l'agent recensaire. A la vesia que la sovienen drin aqueras tacanheras administrativas. Que s'a perdut l'òmi just mei d'un an hè e com hèra de vielhòts ne ved pas mei tròp l'interés de taus formalitats.

• "S'as dens l'idea de't guardar lo gatòt n'as pas qu'a desglarà'u, ce la hei. Atau los mossurs de Paris que poderàn carcular quant de camions de croquetas e calerà cargar entau Carrefour de Salias per un vintenat d'ans. E se ne'u te vòs pas préner, desglara'c tanben, atau que poderàn carcular las indemnitats caumatge deu conductor."

Drin après que'm tornèi gahar la camada, tad ac tot díser, aqueth gatòt, que'u m'averí plan adoptat. Lhevat que'm pesa mei anar mei de portar gats tròp joens en tèrra...

Au men Capdan tant aimat, defuntat suu còp lo 13 d'octobre de 2023...

Le chaton et l'agent recenseur...

L'autre jour, alors que je me promenais dans la campagne j'ai rencontré une de mes voisines, la Ticia. En m'approchant de la maisonnette j'entendis un miaulement qui provenait de derrière les grands pots des agrumes sous l'appentis.

La Ticia était sur le pas de la porte. Elle m'explique que ce chaton gris qui maintenant s'enroule autour de ses mollets en ronronnant et en miaulant tout doux lui est arrivé pendant les fêtes. C'est une sale habitude chez nous. Alors qu'ils existent des associations pour prendre soin des animaux de compagnie dont on ne veut plus ou qu'on ne peut pas nourrir, trop de gens préfèrent encore abandonner les chats en cachette, d'un coup de voiture aux confins des chemins, de nuit. Sans oublier tous ceux qui préfèrent engraisser Netflix plutôt que de subvenir aux besoins d'un jeune chat au prix d'un petit paquet de croquettes par mois.

La Ticia est embêté, depuis qu'il est arrivé, elle nourrit ce petit animal, mais elle ne le fait pas rentrer chez elle et elle n'a pas trop envie de le garder. Parce que, où elle habite, tout près d'une petite route, les autos lui ont écrasé trop de compagnons et leur espérance de vie est écourtée.

C'est là qu'arrive une voiture blanche, de fonction, et en descend un jeune homme avec un petit papier. C'est l'agent recenseur. Ma voisine est un peu ébahie par ces tracasseries administratives. Elle a perdu son mari depuis à peine plus d'un an et comme beaucoup de personnes âgées elle ne voit plus trop l'intérêt de telles formalités.

• "Si tu as l'intention de garder ce chat tu n'as qu'à le déclarer, lui fais-je. Comme ça les messieurs de Paris pourront calculer combien de camions de croquettes il faudra charger pour le Carrefour de Salias pendant une vingtaine d'années. Et si tu ne veux pas l'adopter, déclare-le aussi, comme ça ils pourront calculer les indemnités chômage du conducteur."

Sans trop tarder je repris ma marche, pour tout dire, ce chaton, je l'aurais bien adopté. Sauf qu'il m'est de plus en plus pénible de porter des chats trop jeunes en terre...

À mon Capdan tant aimé, décédé brutalement le 13 octobre 2023...