Adishatz,

Au demiei deus camparòus mei recercats, los mossarons que son, e de quant, los mei guilhaires. Que'm còstan tot an centenats de quilomètres d'espederada, sovent en de balles, quan s'esparalassan ençò de monde qui ne'us coneishen pas.

Tà cambiar, la sason de 2022 dens lo parçan de Salias e de Sauvatèrra qu'estó de las mei balhosas. Que me'n avisèi lo 4 d'abriu. Aqueth vrèspe, en me'n tornant d'ua prospeccion peu torn de Bidèren, a quauquas encamadas deu castèth lo men espiar que va estar aperat per un escripet pausat suu tascat contra lo camin. Aquera haginèra qu'èra enviroada d'un aròu de camparolets deu cap crèma e que's coneishèn aisidament mossarons. L'idea que'm prudè, totun ne'us cuelhoi pas, que hasè mau enterpretar la preséncia de la caujòla au bèth miei.

A quauques dias d'aquiu, lo 9 d'abriu, vist la moleta que'm sovienè, qu'avienoi d'anar hodilhar drin lo parçan d'Orion on sabi quauquas mossaroeras. Com èi totemps los uelhs qui s'espian tà dreta e tà esquèrra en caminant, a un quilomètre de casa peu camin deu corbaish sonque, que tressauti e que m'arrèsti suu pic en avisant un aute cerquit de camparolets deu cap burèu au pè d'un avet de Nadau, suu cantèr deu camin. Vivòsta ! Se son d'ataca los mossarons augan !

- As vist la familhòta de mossarons qui sòrten au ras de la via ençò de l'Isabèu, ce'm hèi a la Monica qui trobèi davant la pòrta de Polin drin mei enlà ? De tau mòde qué, quan tornèi passar per Tojar Gran pauques dias après, la familha ne pareishè pas mei.

L'ahar que s'arrevitè lo 22 d'abriu. Aqueth divés ser, just s'èri tornat d'ua cuelhuda de maurilhas en montanha qu'ua autò s'arrestè davant deu portau. Qu'èra l'Isabèu, la nosta vesia de Tojar Gran, qu'avè ua pòcha a las mans dab camparòus per identificacion. Que'us avè trobats sus la parguia en hant drin de netei. Qu'avoi drin la desvira en lutzant la pòcha, que i avè aquiu un bon quilò de mossarons. Qu'èran drin escarbalhats au par deus subjèctes qui sòlen cuélher a noste e permor d'aquò lo Michon de Polin que l'avè conselhat de'us me viéner amuishar. N'avèvi pas jamei vist autant de mossarons en plana, e mei que tot a un quilomètre de casa.

Lo men compte n'èra pas enqüèra hèit. Lo dimenge 24 d'abriu quan passavi davant Tojar Gran, l'Isabèu que m'ahupa permor qu'a hèit ua navera tròba e que vòu saber çò qui'n pensi. Que la segueishi tà hens l'endret e aquiu, au pè d'un aute avet de Nadau, sus l'èrba e horant drin sus la propietat miejancera, ua tresau mossaroera, bera, en linha. Los mossarons que son espés, joens enqüèra, los mei bèths, com petitas sietas, qu'an possat au bèth miei deus iris e l'Isabèu ne'us a pas avisats. Que soi susmavut en vedent un tau palhat de mossarons a l'ahitau de Lasbòrdas. Que demoram quauquas minutas a devisar d'aquera descoberta, deus mossarons, deus lors vívers e de la loa raretat. E au-darrer que preni conjat en hant me seguir un sacotet entà la moleta.

De tot aquò que i a quasi dus més. Despuish la fin deu més d'abriu los mossarons qu'an gahat la pujada, dab las maurilhas, e que'us avem seguits. Totun la sequèra apuish la calor que'us an ganhats a la corruda tanlèu lo més de mai. De tau mòde que son hòrt riales peus candaus e un còp non hè pas lei la plana que l'ac tien haut a la montanha...

A l'Isabeu Hargós.

Isabelle et les mousserons

De tous les champignons les plus recherchés, les mousserons sont, et de loin, les plus facétieux. Ils me coûtent chaque années quelques centaines de kilomètres de marche, souvent infructueux, alors qu'ils se prélassent chez des gens qui ne les connaissent pas.

Pour changer, la saison 2022 dans la campagne de Salies et de Sauveterre fut très généreuse. J'en fus mis en alerte le 4 avril. Cet après-midi-là, en rentrant d'une prospection du côté de Bideren, à quelques foulées du château mon regard fut attiré par un piège posé sur l'herbe tout près du chemin. Ce piège à fouine était entouré d'un cercle de petits champignons au chapeau crème et on reconnaissait sans peine des mousserons. L'envie me démangeait, pourtant je ne les cueillis pas, la présence de la cage au milieu me donnant à réfléchir.

Quelques jours plus tard, le 9 avril, me prenant à rêver d'omelette, je décidai d'aller fouiner du côté d'Orion où je connais quelques mousseronnières. Comme j'ai toujours le regard aux aguêts en marchant, à un kilomètre de la maison seulement à vol d'oiseau, je sursaute et m'immobilise sur le champ en apercevant un autre cercle de petits champignons au chapeau beige au pied d'un sapin de Noël, au bord de la route. Bon sang ! Les mousserons sont de sortie cette année !

- Tu as vu la troupe de mousserons qui sortent au bord de la route chez Isabelle, demandai-je à Monique que je rencontrai sur le pas de la porte de Poulin un peu plus loin ? De sorte que, lorsque je repassai du côté de Touyagrand peu de jours après, la "famille" avait disparu.

L'affaire connut un rebondissement le 22 avril. Ce vendrei soir, à peine étais-je rentré d'une cueillette de morilles en montagne qu'une voiture s'arrêta devant le portail. C'était Isabelle, notre voisine de Touyagrand, elle avait une poche dans les mains avec des champignons à identifier. Elle les avait trouvé dans le parc en faisant un peu d'entretien. J'eus un peu le tournis en examinant la poche, il y avait là un bon kilo de mousserons. Ils étaient un peu matures par rapport aux sujets qu'on cueille habituellement chez nous et pour cette raison Michou de Poulin lui avait conseillé de venir me les montrer. Je n'avais jamais vu autant de mousserons en plaine, qui plus est à un kilomètre de la maison.

Je n'étais pas au bout de mes surprises. Le dimanche 24 avril alors que je passais devant Touyagrand, Isabelle me hèle car elle a fait une nouvelle découverte et elle veut savoir ce que j'en pense. Je la suis à travers la propriété et là, au pied d'un autre sapin de Noël, sur l'herbe et empiétant un peu sur la propiété mitoyenne, une troisième mousseronnière, grande, en ligne. Les mousserons sont épais, jeunes encore, les plus grands, comme de petites assiettes, ont poussé au beau milieu des iris et Isabelle ne les a pas vus. Je suis fortement ému devant un tel parterre de mousserons au quartier Lasbordes. Nous restons quelques minutes à discuter de cette découverte, des mousserons, de leur mode de vie et de leur rareté. Après quoi je prends congé la besace garnie pour l'omelette.

De tout cela il y a près de deux mois. Depuis la fin du mois d'avril les mousserons ont pris de l'altitude, avec les morilles, et nous les avons suivis. Cependant la sécheresse puis la chaleur les ont pris de cours dès le mois de mai. Si bien qu'ils sont fort rares dans les pâturages et une fois n'est pas coûtume la plaine tient la dragée haute à la montagne...

À Isabelle Hargous.

Adishatz !