18 juin 2022

L'Isabèu e los mossarons / Isabelle et les mousserons (Gascon - Français)

Adishatz, Au demiei deus camparòus mei recercats, los mossarons que son, e de quant, los mei guilhaires. Que'm còstan tot an centenats de quilomètres d'espederada, sovent en de balles, quan s'esparalassan ençò de monde qui ne'us coneishen pas. Tà cambiar, la sason de 2022 dens lo parçan de Salias e de Sauvatèrra qu'estó de las mei balhosas. Que me'n avisèi lo 4 d'abriu. Aqueth vrèspe, en me'n tornant d'ua prospeccion peu torn de Bidèren, a quauquas encamadas deu castèth lo men espiar que va estar aperat per un escripet pausat suu... [Lire la suite]

05 janvier 2013

Mossarons entà Nadau...

  Èra lo só clarejant, lo ceu azur on naulavan uns riales vaishèths candolius en calamet, o enqüèra aqueth bohet requist qui'm flatosava a la cara e au peu ? Tanlèu ubèrts los contravents, un vam primavèr qu'esquattava a las purmèras òras d'aqueth dimenge 16 de decème de 2012. Com aví, de bèra pausa, estruçat tot esper de cuelhuda, au començar deu vrèspe que m'avièi hens ua de las meas andadas d'ivèrn, dab lo prètz-hèit, en mei de l'oxigenacion e deu caractèr arreviscolant de l'esfòrç, de tiéner ua condicion fisica de las bonas... [Lire la suite]
15 février 2011

Mossarons/Mousserons (sonnet)

  Moussarons   Quan suus taps verdejants las suavas vriuletas, Destronant prunalèr, cocuròt, espiaube, Vadenta, cap au só hèn mirar la rauba, Mossaroets guarruts qu'arruatz en cordetas.   Flamborejants au pè d'uas cassoretas, Vesiadats peus hrèishos au bèth hons deu carriu, Blanquiós, gibuts, carats, florilègis d'abriu, Qu'ètz au diluns pascoèr, requistas moletas.   Un vielh paisan gelós, güeitant-se l'endretòt, Lurrat, a la vesiau, que'vs prestava a palhats, Òr tot an a tistats, que'vs cuelhèva... [Lire la suite]