La legenda de la "hòla deus Pirenèus"

(o La hemna qui aimava mei los ors)

Au bec de Vicdessós en Arieja, en 1809, caçadors que reperièn a ua hemna curta com un vermi qui'n anava per las arròcas e qui hugí quan s'apressèn. Que la corsejèn dinc a la tornar trobar e que la s'atraçèn, caitiva au vilatge de Shuc. Prendiva, usclada per lo só, qu'avè per tot vestit lo cap de pèu negre qui la caperava dinc las arreas. Que la volón passar ua rauba, que's hasó endarrèr ; qu'avón de l'estacar las mans tà l'afeitar.

Bèra pausa que la podón questionar, muda que s'estè. Totun, quan la demandèn quin n'èra pas estada curada peu herum, que hasó : "los ors qu'èran los mens companhs, dab eths qu'èri plan a la calor". E de gemicar : "çò qui'n va díser lo men praube òmi !" Puish que's carè. Arrecaptada peu curat de Shuc, la quita nueit que s'esliupè per la frinèsta deu presbitèri. Guiats peus perrecs deus vestits qui s'esquiçava en tot s'escapant, los caçadors que se i hasón a la corsejar tornar. Endeballes.

L'ivèrn seguint que hó tarrible e tots que la tienèn per morta de hred.

Pr'aquò, a la prima, qu'aparí tornar peus penents, lesta e hueitiva com jamei. Gahada en ua batuda generau, qu'estó baishada tornar a Vicdessós apuish embarrada dens un espitalet en Foish. Aquiu que s'encapborrí dens l'arrefus de passar vestits. Tanben las religiosas que l'en sabón mau e que se'n volón desgahir. Que la hiquèn au secret dens la tor redona deu castèth. Un matin, lo guardian de la preson que proclamè la soa mort, shens explic mei. E las autoritats que virèn la pagina, reddament.

Lo deneg de la diferéncia, la peguessa e lo maishantèr qu'aucín aquesta hemna autanplan com lo dòu de la montahna e la privacion de libertat.

La légende de la "folle des Pyrénées"

(ou La femme qui préférait les ours)

Sur les hauteurs de Vicdessos en Ariège, en 1809, des chasseurs repérèrent une femme nue comme un ver qui évoluait parmi la rocaille et qui s'enfuit quand ils s'approchèrent. Ils la coursèrent jusqu'à la rattraper et la trainèrent, captive, au village de Suc. Élancée, hâlée par le soleil, elle avait pour tout vêtement sa longue chevelure noire qui lui couvrait jusqu'à la chute des reins. On voulut lui passer une robe, elle recula ; on dut lui attacher les mains pour l'habiller.

On eut beau la questionner interminablement, elle ne dit mot. Toutefois, quand on lui demanda comment elle n'avait pas été dévorée par les fauves, elle fit : "les ours étaient mes compagnons, avec eux j'étais bien au chaud". Et de gémir : " qu'en dira donc mon pauvre mari !" Puis elle se tut. Hébergée par le curé de Suc, la nuit même elle s'éclipsa par la fenêtre du presbytère. Guidés par les haillons des vêtements qu'elle déchirait dans sa fuite, les chasseurs tentèrent de la rattraper. En vain.

L'hiver suivant fut terrible et tous la tenaient pour morte de froid.

Pourtant, au printemps, elle reparut dans les versants, agile et insaisissable comme jamais. Capturée au cours d'une battue générale, elle fut redescendue à Vicdessos puis enfermée dans un hospice à Foix. Là elle s'entêta dans son refus d'enfiler des vêtements. Aussi les nonnes la prirent en grippe et voulurent s'en défaire. On l'emprisonna dans la tour ronde du château. Un matin, le gardien de la prison proclama sa mort, laconique. Et les autorités classèrent l'affaire, insensiblement.

Le refus de la différence, la bêtise et la méchanceté firent périr cette femme autant que le deuil de la montagne et la privation de liberté.