La bèstia d'Argelèrs

Agòs, estiu de 1892. Chepicat per ua enseguida de testimonhatges desacostumats, lo procuraire de la Republica de Lordas que carga los gendarmas d'Argelèrs d'ua enquista. Au beth miei d'un an de gran sequèra tot que s'acòrda entad enterinar lo torn d'uas creaturas monstrosas qui pensavan amortidas milions d'ans avè.

En aost, ua bèstiassa de mantun mètre, deu cap serpentifòrma dab un mus de pòrc, qu'estranglè los poblants d'Agòs. L'audicion deu caperan d'Agòs Vidalòs peus gendarmas, qu'estó de las mei edificantas. En julh de 1891, quan seguiva ua embraquèra deu bordalat d'Arnèu, au pè d'un arròc, l'òmi que destriè ua mena de lusèrp verdosa, de la pèth escatosa e pagerant peu torn d'un mètre cinquanta, en tirant la còda. Lo cap qu'èra lo terç de la longor e dab ua excreishença devath lo còth qu'alurava un pòrc gras. Lo curat que la voló huéger dab lo paraploja mes la creatura que s'estè, gola esbadarnada. L'abat que hasó arrepé e se'n tornè tà casa per unhaute camin. L'endedia, acautat per un vam d'eroïsme impensat, que tornè dab un revòlver mes la bèstia que s'èra esliupada.

En heurèr de 1893, Pèir Sajós, aute poblant d'Agòs, qu'èra assedut au pè d'ua cassora. Vielh de 32 ans, que reperiè, entormeligada autorn d'un barrolh, ua bestiassa serpentifòrma d'uns dus mètres de long. A cauta ubèrta lo creat que comencè de baishar. Lavetz Sajós que halè.

Mort o viu, lo monstre d'Argelèrs ne's hasó pas mei véder. Engravada per la hrèita d'elements e travada per l'espandida d'aqueth país montanhut, l'enquista n'abutí pas jamei. L'ipotèsi de l'escantida au sègle XIXau en Pibèsta deus darrèrs varans pirenencs ne pòt pas estar estremada. Uns representants d'aquèra raça de lusèrps esvarjables qu'estón categoricament identificats dens lo Massís Centrau peus naturalistes.

La bête d'Argelès

Agos, été 1892. Alerté par une série de témoignages insolites, le Procureur de la République de Lourdes charge les gendarmes d'Argelès-Gazost d'une enquête. Au coeur d'une année de grande sécheresse tout concorde pour entériner le retour de créatures monstrueuses que l'on croyait éteintes depuis des millions d'années.

En août, une bête longue de plusieurs mètres, au corps serpentiforme et à la tête de cochon, terrifia les habitants d'Agos. L'audition du curé d'Agos Vidalos par les gendarmes, fut très édifiante. En juillet 1891, alors qu'il empruntait un raccourci du hameau d'Arnèu, au pied d'un rocher, l'homme distinga une sorte de lézard verdâtre, à la peau écailleuse et mesurant près d'un mètre cinquante sans la queue. Sa tête faisait le tiers de sa longueur et, avec une excroissance sous le cou il évoquait un porc gras. Le curé voulut le faire fuir avec son parapluie mais la créature, gueule béante, ne bougea point. L'abbé rebroussa chemin et rentra chez lui selon un autre itinéraire. Le lendemain, mû par un héroïsme inconsidéré, il revint avec un révolver mais la bête s'était éclipsée.

En février 1893, Pierre Sajous, autre habitant d'Agos, était assis au pied d'un grand chêne. Âgé de 32 ans, il repéra, lovée autour d'une branche une grosse bête serpentiforme d'environ deux mètres de long. Ouvrant béante la gueule la créature commença à descendre. Alors Sajous déguerpit.

Mort ou vif, le monstre d'Argelès ne se laissa plus apercevoir. Enlisée par le manque d'éléments et freinée par l'immensité de ce pays montagneux, l'enquête n'aboutit jamais. L'hypothèse de l'extinction au XIXème siècle en Pibeste des derniers varans pyrénéens ne peut être écartée. Quelques représentants de cette race de lézards effroyables furent formellement identifiés dans le Massif Central par les naturalistes.