vòtas2014

 En aquera epòca esparvolada e desumanisada au perhons, quan lo monde e s'estiman mei anar mei arrecaptar los "amics" d'encontre sus las parets Facebook com los gojatons d'un còp èra pegavan e comparavan los jogaires de fot suu liberet Panini, purmèr que d'acarar-se aus semblants ; deu temps qui capdavantèrs apatridas e aparan a las horas capbaishadas, tanlèu l'escòla, la preson daurada deu gran miratge numeric dab l'enlusida deus ostaus e deus cabinets pleats, tà díser harts de quincalhas ; d'aquestes torns boharròcs on los mots refòrma e projèctes e serveishen purmèr a har desbrombar l'impoténcia, tà díser, l'inutilitat deus politics en bèth magnificar lo vueit, lo non-sens de las nostas existéncias aprecaridas per ua mondializacion herotga e descabestrada, a tots que soheiti ua bona annada 2014, suus camins de l'amistat, de l'autenticitat, dens un esperit de despartiment, e que sapiam guardar la plaça de qui cau a l'esmiraglada mainadèca, qui demora la clau mei atenhedissa e segura entau bonaûr e espandiment personau.