La legenda deu lac d'Estaens

Dias a, lo Plan d'Estaens n'èra pas un lac com uei, mes un peishedèr deus mielhèrs qui las aulhas deishavan a l'abòr, pèu lusent, lan long e untat. Los Aspés que'n tiravan fiertat e bèra fortuna. Ailàs l'aisina que'us hasó impietadós e orgulhós com pavans.

Cada Sent Joan, tots los aulhèrs que taulejavan. De la vath que s'avèn heit portar pan deu fresc e vin deu vielh ; las bèstias aucidas que s'apitarravan tota la nueit. E sonque l'aubeta que'us tirava de taula entà molzer las aulhas.

Un dia, a punta d'auba, un catlat qui alurava un jaqués que'us aparí, d'Espanha estant. De tan ahanat qui èra que'n anava en s'arrossegant ; la misericòrdi que'u tienèva las espartenhas aus pès, los bròcs que se l'avèn tot esperrecat e la biaça qu'èra vueita. Qu'anè de cap aus taulejaires e demandè la caritat pr'amor de Diu : la hami e la sed que l'estirassavan. Los hartanejaires ne li dèn pas arren, estosse un tròç de pan o ua copa d'aiga e un, mei briac bissè, que l'aclapè d'arnecs. Unhaute totun, de'u véder tan alassit que'u hasó repausar suu jaç deu son cujalar. Lo passatjant que'u mercejè e que'u digó de tornar se'n tà casa suu pic, la hemna que s'èra just amainadada. L'aulhèr ne's hasó pas pregar...

Quan tornè a Estaens l'endematin, un silenci deus esvarjables que s'avè engolit lo belet deus anhèths, lo bramet de las vacas, lo tindet de las esquiretas e los aperets deus mèstes. Un lac de l'aiga blua on l'airolet hasè córrer ondetas que s'estaloirava au beth miei deu Plan. Estranglat l'òmi que baishè aus quate-pès avisar los conses. Tots que pujèn, qu'aperèn e que cerquèn endeballes.

Pr'aquò, quan passetz per Estaens ua nueit de Sent Joan, esbadarnatz las aurelhas ! Deu hons deu lac estant que'vs pujaràn bramets, melets, tindets d'esquiretas e crits-viahòra.

La légende du lac d'Estaëns

Voilà bien longtemps, le Plan d'Estaëns n'était pas un lac comme aujourd'hui, mais un excellent pâturage que les moutons abandonnaient à l'automne, le poil lustré, la laine longue et grasse. Il était la fierté et la grande fortune des Aspois. Hélas l'aisance les rendit impitoyables et orgueilleux comme des paons.

Chaque Saint Jean, tous les bergers faisaient banquet. Ils s'étaient faits porter de la vallée du pain frais et du vin vieux ; les bêtes sacrifiées ils s'empiffraient toute la nuit. Seul le point du jour les sortait de table pour traire les brebis.

Un jour, à l'aube, un type qui figurait un pélerin de Saint Jacques, leur apparut, venant d'Espagne. Il était si fâtigué qu'il avançait en se trainant ; la miséricorde tenaient ses sandales à ses pieds, les épineux l'avaient entièrement lacéré et sa besace était vide. Il alla vers les ripailleurs et demanda la charité pour l'amour de Dieu : la faim et la soif le tiraillaient. Les bambocheurs ne lui donnèrent rien, pas même un morceau de pain ou une tasse d'eau et l'un d'entre eux, plus ivre sans doute, le greva d'injures. Un autre cependant, de le voir si las le fit reposer sur la couche de son cayolar. Le visiteur le remercia et lui dit de rentrer chez lui sur le champ, sa femme venait d'accoucher. Le berger ne se fit pas prier...

Le lendemain matin, quand il revint à Estaëns, un silence effrayant avait englouti le bêlement des agneaux, le meuglement des vaches, le son des cloches et les appels des maîtres. Un lac à l'eau bleue où la jolie brise faisait courrir des vaguelettes s'étendait au milieu du Plan. Apeuré l'homme descendit en quatrième vitesse avertir les consuls. Tous montèrent, appelèrent et cherchèrent en vain.

Toutefois, lorsque vous passerez par Estaëns, une nuit de Saint Jean, ouvrez grand les écoutilles ! Du fond du lac monteront vers vous, meuglements, bêlements, sons de cloches et appels au secours.